今日發生咩事，我諗大家都好清楚
你話我分化又好 咩都好 我都要講
係 睇住大家走 我係好嬲 真係好嬲
但呢刻我都叫自己冷靜下
叫自己換個角度睇呢件事
可能今日經歷可以比到大家反思同檢討
包括我自己都要學習
下次唔會再係咁嘅情緒
希望大家真心會諗下今日發生咩事
第一
走唔係問題 真係唔係問題
因為我相信出得黎既人係有自己思想同判斷力
如果覺得危險而離開係絕對無問題
但唔好叫人散水 或 舉牌 或 組人鏈唔比人入
政府極權係令人恐懼
但唔好自製恐懼比自己 同強逼人接受自己恐懼
要記住
恐懼係會擴散 係會打擊士氣
第二
Fact check 重要性
特別whatsapp 轉寄嘅文字
無圖得堆字 你叫我信？
就算有圖都唔可以盡信
用自己判斷同思考
未確信前 唔好share
記住
Fact check 唔係打句 已fact check 就叫fact check 左
我地唔應該散播恐慌
第三
其實唔只今次，五年前雨傘同最近光復行動都係
次次都有人走出黎叫人走 話中計 話係局
最深刻係光復元朗前一晚
話入去送頭叫人唔好去
大家都要問自己
呢家係抗爭
有危險係正常
出得去既 都預左會承擔一切風險
但唔好叫人唔好去 講到我地無思想咁
講到我地送頭呢啲難聽說法
如果咁樣，同人地話「唔出街咪無事」有咩分別
其實聽到真係好難受
擔心手足安危可以理解
但生於亂世 有種責任
有危險就退縮 如何面對前線義士
如果大家都咁錫身 咁邊個仲肯出黎對抗極權政府
特別係軍政府
所以，尊重我地每一個人嘅決定好嗎？
我每次上前都好驚，驚比人拉
驚前線無義士為我地勇武
但我更加驚嘅係
當我地轉身後，係無哂人
特別係關鍵時刻
點都好，今日無論點都過左去
大家目標都係一致
希望大家黎緊更加團結
只有團結 人多
我地就唔怕任何嘢
最後加多句
整fake news 既人食屎喇！
Search